أول سنة في عمر أي شركة ناشئة هي الأخطر.
مش بسبب السوق أو المنافسة بس، لكن بسبب أخطاء قانونية بسيطة بتتحول لمشاكل كبيرة مع الوقت.
في المقال ده هنتكلم بشكل عملي عن أشهر المشاكل اللي بتقابل الشركات الناشئة في مصر، وإزاي تتجنبها من البداية.
1️⃣ غياب عقد شراكة واضح
من أكتر الأسباب اللي بتدخل الشركات في نزاعات زي مثلاً عدم وجود عقد شراكة أو وجود عقد ضعيف ومش واضح
والنتيجة بتكون ايه؟
- خلافات على الأرباح
- خلافات على الإدارة
- قضايا في المحاكم
وهنا الحل عقد شراكة قانوني يحدد:
- الصلاحيات
- نسب الأرباح
- آلية حل النزاعات
2️⃣ اختيار شكل قانوني غير مناسب
شركات كتير بتختار الشكل القانوني:
علشان أسهل أو أرخص مش علشان أنسب
وده بيؤدي لـ مسؤولية شخصية على صاحب الشركة ومشاكل ضريبية وصعوبة في التوسع
الحل هو اختيار الشكل القانوني بناءً على:
- حجم النشاط
- عدد الشركاء
- خطة النمو
3️⃣ إهمال الإجراءات القانونية والضريبية
تأجيل: فتح ملف ضريبي أو التسجيل في الجهات المختصة أو توفيق الأوضاع القانونية
ودا كله بيؤدي لـ:
- غرامات
- تعطيل النشاط
- مساءلة قانونية
والحل هو: الالتزام بالإجراءات من أول يوم.
4️⃣ توقيع عقود بدون مراجعة قانونية
سواء مع: مورد أو عميل أو حتي صاحب مقر
ف النتيجة بتكون لو عقد واحد غلط ممكن:
- يلزمك بتعويضات
- يقيدك بشروط صارمة
الحل: مراجعة أي عقد قبل التوقيع عليه.
5️⃣ الخلافات بين الشركاء
الخلاف مش مشكلة، المشكلة إن مفيش نظام للتعامل معاه.
الحل: تنظيم العلاقة من البداية سواء من:
- تحديد أدوار واضحة
- وضع بنود للخروج أو التنازل
6️⃣ غياب الاستشارة القانونية المستمرة
شركات كتير بتستشير محامي: وده بيكون متأخر.
الحل لزمن يكون في استشارة قانونية وقائية، مش علاجية.
دور مؤسسة الميزان للمحاماة
في مؤسسة الميزان للمحاماة بنساعد الشركات الناشئة على:
- تأسيس قانوني سليم
- تجنب الأخطاء الشائعة
- حماية النشاط من النزاعات
- تنظيم العلاقة بين الشركاء وغيره من الأدوار.
هدفنا إن شركتك تكبر بثبات، مش تدخل في مشاكل
وفي النهاية
- أغلب مشاكل الشركات الناشئة بتكون مشاكل قانونية مش إدارية
- الوقاية القانونية أوفر بكتير من العلاج
- التنظيم من البداية هو سر الاستمرار
